-
Bild 1 von 11. Masteranza mundiala dals chatschaders. Bildquelle: RTR, D. Müller.
-
Bild 2 von 11. Riet Denoth e Fadri Duschletta dal team Sarsura II èn pronts per il champiunadi mundial. Bildquelle: A. Caprez .
-
Bild 3 von 11. In post tar il trair cun il schluppet consista d'ina installaziun da video. Bildquelle: A. Caprez .
-
Bild 4 von 11. Els sa radunan enturn il fieu per quintar latin da chatscheders.... Bildquelle: A. Caprez .
-
Bild 5 von 11. ....auters giaudan la quietezza avant la cursa. Bildquelle: A. Caprez.
-
Bild 6 von 11. Impressiuns da la masteranza dals chatschaders. Bildquelle: RTR, D. Müller.
-
Bild 7 von 11. Il slalom gigant. Bildquelle: RTR, D. Müller.
-
Bild 8 von 11. La preda dal chatschader. Bildquelle: RTR, D. Müller.
-
Bild 9 von 11. Er giuvnas sa participeschan a la masteranza. Bildquelle: RTR, D. Müller.
-
Bild 10 von 11. Il podest da las gruppas: 1. Capricorns 2. Bauz e 3. Kronberg. Bildquelle: RTR, D. Müller.
-
Bild 11 von 11. La pajaglia suenter las grondas stentas. Bildquelle: RTR, D. Müller.
Tar ils victurs s’audan: Andrea Gilli da Zuoz, Arlette Maissen da Cuira e la gruppa Capricorns da Tavau cun Marco Filli, Corsin Farrèr, Mirco Vogler e Jachen Fadri Filli. Bun 200 participants sa mesiran durant trais dis a las mastranzas a San Murezzan e Silvaplauna e quai en duas disciplinas.
Las masteranzas
Il guardar e trair sin ina schiba è ina part da la cumpetiziun, absolver cun ils skis in slalom gigant è la segunda. Entant ch’i basegna ina buna mira tar il trair cun il schluppet, è dumandà in bun sentiment da temp tar la disciplina sin ils skis.
Ils chatschaders e las chatschadras han numnadamain da far la cursa duas giadas e quai sche pussaivel en il medem temp. Bunas schanzas da gudagnar il titel da campiun mundial han quels chatschaders che han ina buna mira ed ina differenza minimala da temp tranter ils dus girs dal slalom gigant.
L’eveniment che deriva oriundamain dal Montafon ha gì lieu per la segunda giada en l'Engiadina.