Il campiunadi da skis dals chatschaders e las chatschadras ha lieu l'onn proxim a Silvaplauna. Mintg'onn sa mesiran chatschaders e chatschadras da differentas pajas en las disciplinas ir cun skis e sajettar. Las cursas da skis vegnan ad avair lieu sin il Corvatsch e la concurrenza da sajettar a San Murezzan. Quai ha l'organisaziun turistica da Silvaplauna annunzià. La 13avla ediziun ha lieu tranter ils 3 e 6 d'avrigl 2025.
Nus sa legrain sin l'event ed essan tscherts che nus pudain porscher bler a la cuminanza da chatscha.
Pon ils Svizzers defender il titel en l'onn 2025?
Grond victur dal campiunadi da quest onn – ch'è ha giu lieu en Germania – è stada la Svizra.
Radund 200 chatschaders e chatschadras da la Svizra, Germania, Italia, Austria ed Ungaria han prendì part a l'occurrenza. Er per il campiunadi 2025 a Silvaplauna quintan ils organisaturs cun circa 200-300 participants e participantas.
Or da l'archiv
Gia il 2015 èn ils campiunadis mundials stads en l'Engiadina. Da lez temp han ils Grischuns dominà la concurrenza.