En connex cun il whistleblower Adam Quadroni sto la procura publica dal Grischun reprender ina procedura penala sistida cunter in policist en funcziun da cader. La Dretgira chantunala ha approvà plirs puncts dal recurs correspundent da Quadroni – quai resorta da la sentenzia publitgada dacurt.
Il cas pertutga l'anteriur schef dal post da polizia da Scuol. Il 2016 ed il 2017 e quel stà involvì pli u main direct tar differentas acziuns da polizia cunter Adam Quadroni.
Il zercladur 2022 aveva la procura publica sistì la procedura penala cun l'argument ch'i n'haja betg sa mussà in suspect ch'il policist haja commess in delict. Sinaquai ha Quadroni inoltrà in recurs a la Dretgira chantunala d’abolir la disposiziun da sistida – e lezza ha per part dà raschun ad el.
En la disposiziun da sistida da la procura publica davart il cas da l'anteriur schef dal post da polizia sajan gist plirs fatgs betg vegnids tractads giuridicamain u mo insuffizientamain, citescha la gasetta Südostschweiz la dretgira.
Or da l'archiv:
