La Dretgira chantunala dal Grischun ha tenor RSI confermà la decisiun da la dretgira regiunala da Partenz / Tavau, da la fin dal 2021. L'agir dal policist na saja betg stà intenziunà, e sbagls pussaivels en in rapport na fetschian quel betg automaticamain ina falsificaziun, argumentescha la Dretgira chantunala.
Il policist era vegnì accusà pervia d'abus d'uffizi e falsificaziun da documents – en connex cun l'acziun da la polizia chantunala en l'abitaziun d'Adam Quadroni il 2017. La procura publica aveva perquai rinfatschà al policist abus d'uffizi e sfalsificaziun da documents.
Schebain la sentenzia vegn tratga vinavant al Tribunal federal, n'è anc betg cler.
