Ils campiunadis mundials da Freeski e Snowboard èn il 2025 en l'Engiadina. La FIS ha surdà a Swiss Ski ensemen cun San Murezzan / Engiadina l'incarica d'organisar la concurrenza en quatter onns. Avant in mais ha Swiss-Ski inoltrà a la FIS il dossier e la candidatura è stada la suletta uschia che la FIS ha surdà prematurmain l'organisaziun. Oriundamain era la surdada planisada il zercladur a chaschun da la conferenza da calender da la Federaziun da skis internaziunala a Portoroz, scriva Swiss Ski.
Igl è l'emprima giada ch'i dat en Svizra campiunadis mundials communabels da snowboard e ski-freestyle. Ils campiunadis vegnan sustegnids da la Confederaziun, chantun Grischun, las 12 vischnancas da l'Engiadin'auta, da l'organisaziun turistica ESTM SA e da las pendicularas da l'Engiadin'auta.
