Passa 2'000 stgatlas cun material istoric uffizial e per part era documents privats han finalmain chattà il nov dachasa en la chasa Planta, ina chasa istorica amez la vischnanca da Zuoz. Plinavant han ins era gì la pussaivladad dad archivar en las novas localitads ils documents da l'archiv cultural da l’hotellaria Svizra.
Jau sun grat, sun levgià e cuntent.
A la festa d’avertura uffiziala han fatg part radund 140 persunas da Zuoz e conturns. Luzian Schucan, il president da l'archiv cultural, intuna cleramain, questas novas localitads duessan esser il center cultural per ils proxims tschientaners e quai per tut l’Engiadin’Ota.
A l’avertura ha fatg part era il president da la regenza, il cusseglier guvernativ Jon Domenic Parolini. L’archiv cultural n'è betg mo in archiv da documents uffizials, mabain oravant tut era in archiv cun ina ritgezza da documents privats da famiglias.
