L'archiv cultural da l'Engiadin'Ota è in'instituziun publica, che rimna documents davart la cultura da l'Engiadina e che metta a disposiziun quels a la publicitad. L’archiv cultural d’Engiadin’Ota è resultà tras in'iniziativa privata ed è vegnì fundà l’onn 1988 sco uniun.
El duai esser in lieu per conservar ils documents davart l’istorgia engiadinaisa e perditga dal temp. Las vischnancas da l'Engiadin'Ota, il chantun, la Confederaziun, fundaziuns e persunas privatas sustegnan finanzialmain l'archiv.
Ussa è l’archiv cultural d'Engiadin'Ota creschì e dovra dapli spazi. Perquai fa el midada da la Chesa Planta a Samedan en la Chesa Planta a Zuoz. Far midada vul er dir, guardar tras ils documents, decider, tge che vegn a Zuoz e zavrar l’entir inventar. Quai è ina gronda lavur.
