Il fatg ch'i dat adina novs records da chalira en la regiun da la Mar mediterrana pudessan midar il turissem a lunga vista. Destinaziuns pli fraidas u la primavaira e l'atun sco temp da far vacanzas pudessan daventar pli populars. Quai prognostitgeschan las associaziuns da turissem.
Datas da la «European Travel Commission» mussan ch'il dumber da la glieud che vul ir questa stad en l'Europa dal sid è gia sa reducì per 10%, cumpareglià cun l'onn passà. Pajais sco la Tschechia, il Danemarc, l'Irlanda e la Bulgaria percunter nodan in interess in toc pli grond.
Meteorologs e metereologas spetgan ch'il record da chalira en l'Europa dal sid (48,8 grads) vegnia surpassà quest'emna.
