1,46 grad pli chaud che durant il temp preindustrial 1859-1900. Quai è la temperatura media globala stada il 2023. Uschia vegn il 2023 cun fitg auta probabilitad ad esser il pli chaud onn dapi 1850, tenor il servetsch da la midada da clima da l'UE Copernicus.
Ch'il december vegnia anc a midar insatge vi da quai, saja praticamain betg pussaivel. Ils emprims 11 mais dal 2023 èn stads in toc pli chauds ch'ils emprims 11 mais dal onn pli chaud en l'istorgia. Quel è stà 2016. Ils mais dal 2023 sajan stads 0,13 grads pli chauds che quels dal 2016.
Gia l'uffizi dals Stadis Unids per il clima, la NOAA, ha quintà il november d'ina probabilitad da 99% che 2023 vegnia il pli chaud onn dapi 1850.
Il stgaudament dal planet giaja vinavant, di l'uffizi da l'UE. Las temperaturas vegnian a crescher, e cun quai er ils effects d'undas da chalira e sitgiras.
Or da l'archiv
Il Minisguard è sa fatschentà cun la differenza tranter l'aura ed il clima