-
Bild 1 von 12Legenda: The Mall, la via principala avant il Buckingham Palace. RTR -
Bild 2 von 12Legenda: Fluras dapertut. RTR
-
Bild 3 von 12Legenda: La polizia da Londra a chaval. RTR
-
Bild 4 von 12Legenda: Millis da flurs en il Green Park da Londra. RTR
-
Bild 5 von 12Legenda: En il Green Park a Londra èsi da star en colonna. RTR
-
Bild 6 von 12Legenda: Las fluras pon ins metter giu en il Green Park. RTR
-
Bild 7 von 12Legenda: Er blers uffants e classas da scola han purtà insatge. RTR
-
Bild 8 von 12Legenda: Buckingham Palace RTR
-
Bild 9 von 12Legenda: Mintga bun'ura vegnan las flurs da la porta principala dal Buckingham Palace prendidas davent per ch'i haja puspè plazza. RTR
-
Bild 10 von 12Legenda: Dapi la mort da la Queen vegn rapportà Live da Londra en tut il mund. RTR
-
Bild 11 von 12Legenda: Las staziuns d'emetter da las medias èn en plazzadas en pavigliuns datiers dal palast. RTR
-
Bild 12 von 12Legenda: RTR
Il cumenzament da l'emna è stà in zic pli ruassaivel. Pli pauca glieud è pelegrinada avant il palaz, uschia hai dà pli paucas colonnas. Per che tuts chattian er adina la via gidan numerusas voluntarias e voluntaris. Els mussan la via e respundan dumondas da tut il gener.
La fin d'emna suenter la mort cun gronda truscha
Tgi che vul vegnir enfin avant il Buckingham Palace sto u far quai baud la damaun ubain spetgar ditg. Las colonnas èn lungas durant il di, fitg bleras persunas da Londra ma er d'ordaifer èn da viadi cun in puschel flurs per mussar il respect a la Queen. En las grondas fullas èsi pussaivel ch'ins vegn strusch vinavant ubain vesa pauc u nagut da las ceremonias, la musica ubain autras festivitads che succedan. L'atmosfera e calma e paschaivla.
Las flurs che vegnan plazzadas avant il Buckingham Palace restan là 12 uras, suenter vegnan ellas transportadas en in lieu al Green Park.
Tgi che venda quels dis fluras fa ina buna fatschenta. Uschia han divers shops da souvenirs da nov fluras en il sortiment, er bandieras ed auters objects cun si la regina vegnan davent bain. Il stan da souvenirs avant il Green Park ha tut a dubel da far.