En Gronda Britannia han medis e medias annunzià da puspè far chauma. Els ed ellas pretendan dapli paja. L’uniun dals medis assistents haja approvà ina chauma da plirs dis. Questa giada veglian er ils medis spezialisads far chauma – e quai il medem mument. Els pretendan in augment da paja da 35 pertschient.
La chareschia na saja ils ultims onns betg vegnida cumpensada avunda. La regenza a Londra ha fin uss concedì in augment da paja da 6 pertschient. Il persunal medicinal da la Gronda Britannia ha gia pliras giadas fatg chauma. Uss fissi dentant l’emprima giada che omaduas gruppas da medis faschessan quai il medem mument.
