L’Uniun Africana ha suspendì la commembranza dal Gabun suenter il putsch da l’armada en il pajais central-african. Ins condemneschia il putsch cun tutta vehemenza, ha communitgà il cussegl da pasch e segirezza da l’Uniun Africana.
![Gabun](https://www.rtr.ch/static/cms/images/960w/95ee68.jpg)
Enfin che l’urden public saja puspè restabilì, na dastgia il Gabun betg sa participar a las activitads da l’uniun e da sias instituziuns. Avant paucas emnas aveva l’uniun er suspendì la commembranza dal Niger medemamain suenter in putsch da l’armada.