Papa Francestg è sa tschentà ad Ulan Bator, la chapitala da la Mongolia. I sa tracta da l’emprima visita d’in parsura da la Baselgia catolica en il pajais insumma. Da sia visita en Mongolia ha el ludà las stentas da pasch dal pajais.
La Mongolia na saja betg mo ina naziun democratica che pratitgeschia ina politica da l’exteriur paschaivla, ella veglia er giugar ina rolla impurtanta per la pasch en il mund, ha el ditg davant represchentants da la regenza e da la societad civila en la chapitala Ulan Bator. En vista a las pussanzas atomaras Russia e China ha il papa ludà las stentas da la Mongolia da franar la derasaziun d’armas atomaras. Sco emprim papa insumma visita Francestg la Mongolia.
En la Mongolia che dumbra ina populaziun da 3,3 milliuns datti be 1’500 cristians e cristianas. Sin il program è stà tranter auter discurs cun la regenza, in pled festiv sco er in inscunter cun represchentants d’autras religiuns. Quai ha communitgà il Vatican.