En la Guatemala ha la regenza proclamà il stadi d’urgenza da sanadad. Quel duaja valair per trais mais. La raschun saja ch’i dettia adina dapli cas da la fevra da dengue en il pajais central-american. Dapi l’entschatta da l’onn sajan vegnidas registradas passa 12'000 infecziuns e passa 20 mortoris, ha communitgà il ministeri da sanadad.
Pervi dal temp da plievgia ed il fenomen dal clima «El Niño» pudess il risico da s’infectar anc crescher. Cun proclamar il stadi d’urgenza vegnian rinforzadas las mesiras da controlla, tractament e prevenziun. La malsogna vegn dada vinavant da mustgins è po tranter auter attatgar la giugadira.
audio
Per tadlar: las novitads da las 07:00
ord RTR Audio dals 01.09.2023.
laschar ir. Durada: 4 minutas 23 Secundas.
