Fotografias premiadas - Chavriels en las vignas e Via da latg en in lai
Ils pli bels maletgs da natira e d’animals èn vegnids tschernids er quest onn. La fotografia spontana «Run» ha dumangà sin l'emprim plaz dal «World Nature Photography Award 2025».
«Jau sun ma grittentada che jau n’aveva betg in telobjectiv cun mai.» Pir pli tard, durant l’elavuraziun da la fotografia, è la fotografa slovena Maruša Puhek vegnida conscienta tge fortuna ch’ella ha gì. Perquai sch’ella avess engrondì cun il telobjectiv, fiss l’ambient naventà ì a perder.
Cun sia fotografia spontana «Run» gudogna ella ussa il grond premi dal «World Nature Photography Award 2025». Uschia è daventà grond plaschair ord ses frust.
Per la sisavla giada èn fotografs e fotografas vegnidas premiadas per lur ovras, e quai en 14 differentas categorias. La concurrenza è averta tant per fotografas e fotografs amaturs sco professiunals da tut ils pajais dal mund. Tranter ils tschernids n’èn quest onn nagins Svizzers.
Gust da fotografar sez en la natira? Per la chatscha ha RTR mess ensemen intgins tips:
E qua pudais parter voss megliers #muments:
Legenda:
La fotografia victura «Run»
La fotografia è part dal project 366 nua che la fotografa ha registrà mintga di in maletg. Ils dus chavriels curran tras ina vigna a Murščak en la Slovenia. Ella è vegnida inoltrada en la categoria «Nature art».
Maruša Puhek
Legenda:
«Enchanted duo»
La fotografia da macro da la categoria «Animal portraits» mussa duas mustgas da laterna en ritgezza da colurs e glischs. Ils insects sesan qua sin ina scorsa da la planta e paran da traglischar davant il fund stgir.
Khaichuin Sim
Legenda:
«Polar retriever»
Durant ina cruschera tras l’archipel da Spitzbergen inscuntra Tom Nickels trais urs polars che sa nutreschan da cadavers da delfins. In dals urs cumenza a tramagliar cun in bastun. Il cumportament regorda il fotograf ad in Golden Retriever energic e versà che tira in bastun. Categoria: «Behaviour – mammals».
Tom Nickels
Legenda:
«Mudskipping»
In pesch (Boleofthalmus caeruleo maculatus) siglia en l’aria. Quests schanis furius vivan en il watt da Roebuck Bay, Broome, en l’Australia dal vest. Categoria: «Behaviour – Amfibis and reptiles».
Georgina Steytler
Legenda:
«Powerless»
Casualmain scuvra la fotografa Niki Colemont en in curtin en Belgia ina mustga-assasina. En la vischinanza lajegiava in filien. Durant 30 minutas observa la fotografa il drama quiet da la natira. A la fin tschappa filien la mustga. Categoria: «Behaviour – invertebrat».
Niki Colemont
Legenda:
«Red knots»
Dieschmillis utschels da Knutts (ranghels, Strandläufer) ed auters utschels che sgolan davent dad ina unda gronda. Categoria: «Baviour – Birds».
Clive Burns
Legenda:
«The lily pad»
Pestgaders tar la racolta da sardellas davant la costa da Phu Yen a Vietnam. En la bellezza datti però er quitads: il problem da la pestga exagerada, perfin en questa dimensiun apparentamain pitschna, è grond e bitta sumbrivas sin l'equiliber sensibel dals sistems ecologics maritims. Categoria: «People and nature».
Robert Middleton
Legenda:
«Fireworks»
In champ da Paepalanthus en la Chapada dos Veadeiros en Brasilia reflectescha ils radis dal sulegl e sveglia l’impressiun da glischar sez. Questas flurs raras èn ina part dal biom da cerrado ch’è periclità da vegnir runcads. Categoria: «Plants and fungi».
Marcio Esteves Cabral
Legenda:
«Lenuk Tasi»
Ina pitschna tartaruga Olive-Ridley sa metta sin viadi en il vast ocean. Il maletg è vegnì pussibilità da la gruppa da protecziun per tartarugas «Lenuk Tasi» che vegn manada da studentas e students da las scienzas maritimas da Dili e che contribuescha cun ses engaschi a la protecziun da questas creatiras. Categoria: «Underwater».
Daniel Flormann
Legenda:
«Hyalite twilight»
Sis onns ditg ha il fotograf Jake Mosher empruvà da tschiffar questa scena che mussa la reflexiun da la galaxia cun glischs polaras en il Hyalite Lake a Montana. Il fanadur 2023 èsi stà uschè lunsch: Durant 26 minutas n'hai betg dà vent ed uschia ha el pudì fotografar la reflexiun perfetga. Categoria: «Planet Earth’s landscapes and aroundments».
Jake Mosher
Legenda:
«Five star meal»
Tschintg gepards en il territori da protecziun dad Olare en la Kenia han tschiffà in'antilopa e maglian quella sin il pastg sitg. Quest maletg n'è betg vegnì fatg d'ina drona, mabain d'in tetg d'in auto. Categoria: «Black and white».
Paul Goldstein
Legenda:
«Svalbard»
In chaval da mar sa ruschna sin las plattas da glatsch (Packeis) en la Tundra. Fotografà a Spitzbergen en Norvegia. Categoria: «Animals in their habitat».
Malini Chandrasekar
Legenda:
«Fueling resilience»
In utschè whydah da cua alva en plimadi plain sesa sin in fildarom cun spinas a Mandinari en la Gambia. La colur da sias plimas vegn a sa midar en ina colur brina e trista. Categoria: «Urban wildlife».
Benjamin Smail
Legenda:
«Reclaim»
La sisavla erupziun dal vulcan en l'Islanda en stgars trais onns sin la peninsla Reykjanes. La spertadad da las auas na lascha betg gronda speranza per las infrastructuras pertutgadas, sco las vias, che vegn illustrà en moda impressiunanta cun quest sgol da dronas.
Ael Kermarec
