Cun il maletg «The Swarm of Live» gudogna il schurnalist da fotografias Shane Gross il titel dal «Wildlife Photographer of the Year 2024». Il maletg mussa rambots tranter bists da nimfas.
Ils davos onns ha la concurrenza mussà conturns ed animals che vegnan savens ignorads.
La fotografia mussia ch'era animals betg usitads possian far surstar e plaschair.
En la segunda categoria principala dal «Young Wildlife Photographer» ha gudagnà il Tudestg Alexis Tinker-Tsavalas. En quella categoria vegnan premiads fotografs u fotografas tranter 15 e 17 onns.
La fotografia «Life Under Dead Wood» mussia l'inschign dal fotograf. L'animalin saja numnadamain fitg spert. Per far la fotografia ha Alexis Tinker-Tsavalas duvrà la tecnica da «focus-stacking», nua che pliras fotografias vegnan cumbinadas per auzar l'invista profunda (Tiefenschärfe).
Ulteriuras fotografias da la concurrenza
Anfang Bildergalerie
Bildergalerie überspringen
-
Bild 1 von 7. Il fotograf ha spetgà passa 6 mais sin questa fotografia. Bildquelle: Igor Metelskiy/Wildlife Photographer of the Year.
-
Bild 2 von 7. In giuven falcun emprova ora ses talent da chatscha. Bildquelle: Jack Zhi/Wildlife Photographer of The Year.
-
Bild 3 von 7. Ina schimgia da rhesus. Bildquelle: Hikkaduwa Liyanage Prasantha Vinod/Wildlife Photographer.
-
Bild 4 von 7. Ina anaconda ed in caiman cumbattan. Bildquelle: Karine Aigner/Wildlife Photographer of the Year.
-
Bild 5 von 7. Furmiclas prendan dapart in bau per transportar el en l'igniv. Bildquelle: Ingo Arndt/Wildlife Photographer of the Year.
-
Bild 6 von 7. La fotografia d'in corv nair vesa quasi ora sc'in maletg impressiunistic. Bildquelle: Jiří Hřebíček/Wildlife Photohrapher of the Year.
-
Bild 7 von 7. 403 tocs da plastic chattads en il venter d'ina tempestella. Bildquelle: Justin Gilligan/Wildlife Photographer of the Year.
Ende der Bildergalerie
Zurück zum Anfang der Bildergalerie.