Pes sturschids, luxaziuns da la spatla u chommas ruttas. Cun da tuttas sorts accidents ha Flavia Bürgi (47) da far durant la lavur. Ins pudess ussa forsa crair ch’ella lavuria sco media u tgirunza, mo quai n’è betg il cas. Flavia Bürgi lavura tar il BFU. Quai è il Post da consultaziun svizzer per la prevenziun d’accidents. E là sa sprova ella d’impedir ch’i dettia insumma accidents e blessuras cun far sport ed en il temp liber.
En il «Profil» raquinta Flavia Bürgi da sia carriera che ha manà ella a Breil e pli tard a Basilea ed uss a Berna. E nus sclerin era las dumondas, pertge che umens moran pli savens che dunnas durant far sport e pertge che las sendas da viandar cugliunan mintgatant e procuran per ina segirtad fallada. Davart quai tema è Flavia Bürgi era stada da vesair en l'emissiun «Puls» da SRF.