«Curva Vest» raquinta l’istorgia fictiva d’ina gruppa da giuvenils che s’enconuscha dapi onns, che passentan ensemen lur temp liber e che han tuts la medema passiun, il hockey. «Tschinc», «Compi», «Gringo» e «Züzi» han sco buobs per part sez giugà hockey e siemià d’ina carriera sco hockeyan. Oz fan els in’emprendissadi, in studi, èn gist senza lavur u van anc a scola sco per exempel «Jessy», l’unica dunna en la gruppa. Els sa scuntran regularmain en ina garascha u en la Hexa-Bar e van a mintga matsch da lur squadra dal cor, il HCD.
Ord l’optica da «Tschinc», ch'è a Tavau en la reha, e cun retrospectivas raquinta il gieu auditiv da Roman Caviezel sco ch'emprims excess da violenza, il consum d’alcohol ed autras drogas laschan lur fastizs en l’amicizia ed en il mintgadi dals sis amis. Or da cumpels cun il medem hobi datti plaun a plaun hooligans, cun consequenzas considerablas per ils participai.
Suenter pliras emnas a l’ospital è «Tschinc» uss en ina clinica da reabilitaziun a Tavau. Là nua che lur istorgia, quella da la gruppa «Kamikaze Tavau» ha entschet. El sa regorda vi dad in da lur emprim matsch a Lugano sco era vid las preparativas per il grond finale da la davosa stagiun da hockey avant in pèr mais a Turitg.
Avant onns siemiavan «Tschinc»,«Compi» e «Züzi» sez d’ina carriera sco giugader da hockey. La passiun per il sport è restada e sa manifestescha uss en lur gruppa da fans passiunads. Sin il viadi en il tren a lur davos gieu, questa sonda da la gronda finalissima encunter ils ZSC Lions, era l’atmosfera pli che tendida.
Emprims excess avevi gia dà avant onns, suenter in gieu a Bienna avevan ils ultras «Kamikaze Tavau» demolì in pausadi d’autostrada. La consequenza da la radicalisaziun è stada in scumond da stadion ed ha laschà ses fastizs er en la relaziun dals sis amis. Entant è a Turitg giugà l’emprim terz.
A Turitg durant il final dals Playoffs statti suenter il segund terz 2:2. «Tschinc» raquinta dal regl ed il kick da sa participar a baruffas e pitgadas dentant era da las consequenzas e problems che quai ha chaschunà tar els, saja a la lavur, sco era a chasa cun il geniturs.
Entant che «Tschinc» è en la reha e cumbatta cun sia sanadad ed in process penal, ha el davant egl quest davos gieu ch'è la finala ì per lur squadra da l’aua giu. Il mix da dischillusiun ed alcohol aveva manà ad ina patangada violenta, per el – e cunzunt per «Züzi» – cun consequenzas fatalas.
Gust sin dapli podcasts da RTR?
In podcast ch'è mintgatant era mortal: Nus giain dentant sin ils fastizs dals cas criminals en Grischun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
PodKnast – (über)leben im Gefängnis PodKnast – Sur(dal)viver en la praschun
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
La detectiva Flurina Casanova sto chattar in um sparì. La tschertga sa sviluppa en in cas criminal.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Marcus Petendi ed Elias Tsoutsaios analiseschan temas actuals e persunals a moda umoristica ed infurmativa.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Tes podcast per relaxar e far in paus en in mund che para mintgatant dad ir in pau spert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
