![ILS DUS DA NUS](https://www.rtr.ch/static/cms/images/320ws/566247.jpg)
ILS DUS DA NUS
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
Tut las episodas
Zum Audio
Telechargiar episoda
#75 Post coitus nap
Durada 56 minutas 26 Secundas
, dals 11.07.2024
«Nap» (nomen, il) in sien curt, cunzunt durant il di. La varianta ultimativa per rechargiar las battarias a moda curta. Quai è dentant dependent dal context: nua, quant lung, tge uras e cun tge sentiment sa cumenz'ins il cupid? Tge èn insumma ils megliers cupids? I2DN han l'expertisa.
Zum Audio
Telechargiar episoda
#74 Quai n’interessescha betg cua
Durada 58 minutas 13 Secundas
, dals 04.07.2024
Co din ins en autras linguas sch'insatge n'interessescha betg? Nus avain traducziuns e tant pudain nus tradir ordavant: pli pitschen l'interess, pli vulgar il proverbi. Ultra da quai datti puspè discussiuns davart prognosas politicas, generaziuns digitalas e dolurs corporalas. En sasez sco adina.
Zum Audio
Telechargiar episoda
#73 Pli profund ch'ils auters
Durada 57 minutas 6 Secundas
, dals 27.06.2024
La reuniun en il StuRa 2 è caracterisada da bleras anecdotas persunalas or da la pausa. Cas genetics spezials ed alternativas per il program da TV da ballape datti gratuit latiers. Tut sco ch'i avess dad esser.
Zum Audio
Telechargiar episoda
#72 «Steccamuglio Schawinski»
Durada 57 minutas 46 Secundas
, dals 02.05.2024
En l'ultima episoda da quest bloc vai per far radio en il vast segn dal pled: A Bever a chaschun da «RTR sin visita», a Cuira a chaschun dad I2DN ma era a Turitg nua che «Steccamuglio Schawinski» sesa cun sias ideas grischas. Sche live u betg, broadcast u podcast – nus essan qua per vus. xoxo M+E
Zum Audio
Telechargiar episoda
#71 I va in auter vent
Durada 50 minutas 46 Secundas
, dals 25.04.2024
Udis sco i sufla? Udis il nov schlantsch? U tuna tut sco adina? Speranza betg, Marcus ed Elias han empermess numnadamain da prender il det or dal tgil. Era sche quel det savura anc in zic intensiv, el mussa amunt ed uschè en la dretga direcziun. «Thumbs up» - ILS DUS DA NUS preschentan episoda 71!
Zum Audio
Telechargiar episoda
#70 Lischernas e confraternitads
Durada 57 minutas 31 Secundas
, dals 18.04.2024
Il mix selvadi d'istorgias en quest'episoda fa fadia a Marcus ed Elias. Dad in tema a tschel balbegian ils uschiglio (betg) uschè suverans retorichers senza propi dir insatge cun valur. I dat para da discutar, dentant suenter l'episoda. Ma tgi sa, forza è il verm be tar nus en il chau?
Zum Audio
Telechargiar episoda
#69 In art pers
Durada 45 minutas 27 Secundas
, dals 11.04.2024
Sco teenager giz na deva nagina via memia cumplitgada per vegnir tar pornografia. Saja quai cun trametter via telefonin, cumprar magazins u perfin cun stampar las ovras per la collecziun privata. Ed uschè ha il podcast cumenzà sco sch'ns avess planisà, i sa tracta tuttina da l'episoda 69 (nice).
Zum Audio
Telechargiar episoda
#68 Il rumantsch daventa internaziunal
Durada 47 minutas 20 Secundas
, dals 04.04.2024
Marcus cumenza flaivel cun in tschantscherlim davart Aspirin e siemis. Ma lura survegn il podcast schlantsch cun l'istorgia co ch'il rumantsch daventa internaziunal cun discussiuns davart munds fictivs e na l'ultim grazia a la debatta davart il destin da giats malsauns. «CHECK!»
Zum Audio
Telechargiar episoda
#67 «Marcus, il campiun»
Durada 51 minutas 11 Secundas
, dals 28.03.2024
Quest'emna va il podcast sut la pel ed en ils egls. Marcus ha finalmain puspè ina vista da 100%, grazia ad in'operaziun cun laser ed Elias ha realisà ses chasti – in tattoo da Marcus. Dolur partida è be la mesa dolur? Scuvri en l'episoda 67, frestg or dal furn auditiv.
Zum Audio
Telechargiar episoda
#66 Il chau betg fixà dal tut
Durada 53 minutas 27 Secundas
, dals 21.03.2024
Il sulegl splendura ed i savura da primavaira en il StuRa 2. Tuttina ha Marcus nauscha luna e na po betg decider tge ch'è la culpa. Sco antidepressivum auditiv fungeschan anecdotas or da l'hotellaria, innovaziuns tecnicas potenzialas u nums creativs per acturas ed acturs da pornos.
Zum Audio
Telechargiar episoda
#65 «Examurà» en il passlung
Durada 48 minutas 30 Secundas
, dals 14.03.2024
Las chommas èn anc deblas, il triceps fa mal ed il sentiment è sco suenter sortida. Ma mentalmain splendura il sulegl: il maraton da skis è dumagnà. Anc in'ultima giada datti da discutar davart quest sport antipatic avant che nus sfundrain puspè pelvair en il «pod». F*** passlung e heja, heja!
Zum Audio
Telechargiar episoda
#64 Damain passlung, dapli «pod»
Durada 48 minutas 56 Secundas
, dals 07.03.2024
Il titel na descriva betg il cuntegn da l'episoda ma in giavisch per il futur da Marcus ed Elias. Cler, ch'i dat puspè da discutar davart il sport il pli pauc cool sin il mund. Dentant datti era quitads da vegliadetgna, patratgs davart conflicts mundials e las observaziuns classicas dal mintgadi.
Zum Audio
Telechargiar episoda
#63 Dates, odurs e fazielets
Durada 44 minutas 56 Secundas
, dals 29.02.2024
Forsa èsi las vacanzas, forsa èsi il frust dal passlung. Po er esser che la primavaira dat energia infantila. Ils motivs n'èn betg clers, fatg è dentant che l'episoda è daventada picanta – ma er scharmanta. Atgnamain in bun mix. Ma nus laschain decider Vus. Il pievel ha adina raschun.
Zum Audio
Telechargiar episoda
#62 Lingera en il venter
Durada 46 minutas 54 Secundas
, dals 22.02.2024
Che umens èn buns cun suflar si tscherts numers è enconuschent ed in bun exempel per «Boy Math». Ma tge pomai è quai? La resposta han voss experts d'internet EFZ Marcus ed Elias. E respostas datti speranza era davart la coolness da biadias da Tony Hawk e Kurt Cobain e davart la etiquette en biro.
Zum Audio
Telechargiar episoda
#61 Stafla 3
Durada 51 minutas 35 Secundas
, dals 15.02.2024
Marcus ed Elias han dumagnà e purtà il podcast era en il 2024. Gratulesch! Grazia! Co vinavant? Sco enfin uss! 30 giadas datti qua era quest onn ina maschaida da barats reals e fictivs trafilads cun anecdotas, savidas e fantasia. Ils chanuns da viz èn chargiads, giai davos noda!
Zum Audio
Telechargiar episoda
#59 Disturbis en il Stu-Ra 2
Durada 65 minutas 13 Secundas
, dals 14.12.2023
Suenter in'emprova cun disturbi funcziuna il podcast almain tar la segunda registraziun. Sche quai è gartegià stuais vus dir, temas avessi dentant era anc dà per anc ina terza emprova. Ed era rubricas: sper duas classicas la premiera uffiziala d'ina nova. Finalmain datti d'udir istorgias da Vus!
Zum Audio
Telechargiar episoda
#58 La maisa radunda en la sauna
Durada 41 minutas 5 Secundas
, dals 07.12.2023
Quest'emna datti in'episoda a distanza: Marcus sesa per l'emprima giada sulet en il studio radio 2 ed è l'um als regulaturs, ed Elias è collià via lingia da la redacziun regiunala a Scuol. I dat impressiuns da Scuol, invistas en la preparaziun dal maraton da skis ed il tschantscherlim usità.