«Noss Chors» preschenta il nov album da l'Ensemble vocal incantanti. Chanzuns da differents cumponists grischuns sco Tumasch e Benedetg Dolf, Curò Mani-Vital u era Christoph Cajöri represchentan lur colliaziun stretga cun la patria. La chanzun «Sulegl VIII» da Gion Andrea Casanova, cun text dad Arnold Spescha ha ina muntada tut speziala per l’ensemble giuvenil. Perquai ha era l’entir album survegnì quest titel.
Lavurar vi d'in disc cumpact dumonda 120% focus e concentraziun da mintga singula persuna.
Sper varsaquantas chanzuns da cumponists indigens porscha l’album er in u l’autra excursiun en l’exteriur. Cun «Time» da Jennifer Lucy Cook u era cun la chanzun filippina «Kruhay» da Beny F. Castillo demussan las vuschs giuvnas quant divers che chant da chor dastg’esser.
