-
Bild 1 von 19. Bler dapli che Nadal hai strusch pli pudì vesair ora sco durant la chanzun communabla da Gino Carigiet e Fiona Fiasco. Bildquelle: RTR.
-
Bild 2 von 19. Gino Carigiet e Fiona Fiasco durant lur intervista cun il moderatur Elias Tsoutsaios. Bildquelle: RTR.
-
Bild 3 von 19. La chantadura Fiona Fiasco ha ensemen cun la Late Lounge band preschentà la chanzun «Wasteland». Bildquelle: RTR.
-
Bild 4 von 19. Il chantautur e scolast da chant Gino Carigiet ha preschentà «Quei va puspei naven». Bildquelle: RTR.
-
Bild 5 von 19. Il saxofonist da la Late Lounge Band: Clau Maissen. Bildquelle: RTR.
-
Bild 6 von 19. Il ghitarrist da la Late Lounge Band: Raphael Schneider. Bildquelle: RTR.
-
Bild 7 von 19. Marcus Petendi ed Elias Tsoutsaios han fatg in'acziun per l'emissiun e lur podcast «Ils dus da nus». Bildquelle: RTR.
-
Bild 8 von 19. Il bassist da la Late Lounge Band: Rees Coray. Bildquelle: RTR.
-
Bild 9 von 19. Las chantaduras dal Cantus Avis han chantà «Jul, Jul, stralande Jul» e «Nadal ei lu». Bildquelle: RTR.
-
Bild 10 von 19. L'intervista cun las chantaduras da Cantus Avis: Mona Elena Senn, Felissia Candinas, Clara Maria Scherrer, Anna Catrina Scherrer, Giulietta Barenius ed Eva Luisa Scherrer. Bildquelle: RTR.
-
Bild 11 von 19. Il battarist da la Late Lounge Band: Rolf Caflisch. Bildquelle: RTR.
-
Bild 12 von 19. Sarah Mark e Dario Hess durant l'intervista. Bildquelle: RTR.
-
Bild 13 von 19. Il Tuatschin e rockadur Dario Hess cun la Late Lounge Band sin tribuna cun ina premiera – Sia nova chanzun «Veta biala». Bildquelle: RTR.
-
Bild 14 von 19. Ha purtà l'energia sin tribuna: Sarah Mark. Bildquelle: RTR.
-
Bild 15 von 19. Sarah Mark e Dario Hess han chantà ina versiun communabla da la chanzun «House of the Rising Sun» da la gruppa englaisa The Animals. Bildquelle: RTR.
-
Bild 16 von 19. Sarah Mark – chantadura da la gruppa Okto Vulgaris – ha procurà per l'energia vers la fin da l'emissiun. Bildquelle: RTR.
-
Bild 17 von 19. Durant l'emissiun ha Marcus Petendi scrit la chanzun «Tut quai ch'jau na vi betg per Nadal» cun chavazzins dal public. Bildquelle: RTR.
-
Bild 18 von 19. Ils ultims muments da l'emissiun. Bildquelle: RTR.
-
Bild 19 von 19. Tut ils acts da l'emissiun: Fiona Fiasco, Dario Hess, Marcus Petendi, Cantus Avis, la Late Lounge Band, Sarah Mark, Dario Hess ed Elias Tsoutsaios. Bildquelle: RTR.
Nadal ed Advent; quai è dultsch, chaud e cumadaivel sco era vin chaud, biscuits e chichergnim. Dentant gia daditg han era rockaduras e rockadurs scuvrì per els la musica da Nadal. Co che quai po tunar pudais guardar en quest'emissiun speziala da Nadal.
Las ivettas en la petta musicala
Per la fin da l’onn han tschintg acts quellas represchentà fassettas da quest temp festiv. Fiona Fiasco e Gino Carigiet han procurà per la vart fina e romantica. Cantus Avis han represchentà la part tradiziunala ed ils animals dal palc Sarah Mark e Dario Hess han procurà per l’energia.
Duets musicals a posta per la Late Lounge Nadal
Ils talents èn vegnids accumpagnads da la Late Lounge Band cun Rolf Caflisch (battaria), Rees Coray (bass), Raphael Schneider (e-ghitarra) e Clau Maissen (saxofon).
Fiona Fiasco
Fiona Cavegn aka Fiona Fiasco da Breil è la newcomra cun experientscha. L’emprima giada avain nus rapportà da la giuvna chantautura il 2017. Lura aveva ella cumenzà a scriver chanzuns rumantschas ed empruvà divers stils ed instruments. Dapi lura è ella era gia vegnida selecziunada da l’acziun «Mx3 – Tuts per in», ha midà num d'artista e chattà pli fitg ses agen stil – ma experimentescha anc adina gugent.
Gino Carigiet
In zic pli ditg sin las tribunas rumantschas è Gino Carigiet da Siat. El ha tranter auter preschentà il 2015 il 23avel Top Pop Rumantsch «Viva tia veta». Oz fa el oravant tut musica cun David Friedli e lur duo Dus, dat enavant sia savida musicala sco scolast da chant ed accumpogna eveniments cun sia musica. Avant paucs onns è el sa participà sco chantadur accumpagnond a l’ESC.
Sarah Mark
Sarah Mark è la vusch da la gruppa dals 'pirats dal rock' Okto Vulgaris. La gruppa numna lur musica Tube Rock. Quai stat per la vusch rauca plain energia da la chantadura, maliziusas ghitarras ed in ritmus ch’è restà sin terra. Cun lur emprima EP han els dà 60 concerts en otg pajais ed il 2020 han els publitgà lur emprim album «Modern Me».
Dario Hess
Rock, Blues e Country da Sedrun datti da Dario Hess. 2018 ha el preschentà il 45avel Top Pop Rumantsch «Da da me cor». Il camiunist dat cun sia band Spanky Hammers concerts en l’entira Svizra. El fa musica per rumantsch, tudestg ed englais. Pli baud ha el fatg part da la gruppa Satöry e tranteren suna el cun la Combo crassira.
Cantus Avis
Suenter la part da rock e pop procura Rilana Cadruvi cun l’ensemble Cantus Avis per tuns pli tradiziunals. Il chor consista da sis chantaduras ed è vegnì fundà a posta per la Late Lounge. Cantus Avis stat per il chant d’utschels e duai esser ina punt tranter la scola da chant e l’ensemble Cantus Firmus. Uschia duajan chantaduras giuvnas survegnir in’invista en in chor semi-professiunal.
- Mona Elena Senn
- Felissia Candinas
- Clara Maria Scherrer
- Anna Catrina Scherrer
- Giulietta Barenius
- Eva Luisa Scherrer
Collavuraziun cun la plattafurma Mx3
L’ultima emissiun dal 2023 da la Late Lounge è ina collavuraziun cun la plattafurma Mx3. Quella plattafurma datti dapi 17 onns ed è in lieu per musicistas e musicists svizras per sa preschentar e vegnir scuvrì.
Las emprovas per l'emissiun
-
Bild 1 von 6. La chantadura Sarah Mark da la gruppa da rock Okto Vulgaris. Bildquelle: RTR.
-
Bild 2 von 6. Il Tuatschin Dario Hess plain energia. Bildquelle: RTR.
-
Bild 3 von 6. Cantus Avis è vegnì fundà aposta per l'emissiun da la Late Lounge. Bildquelle: RTR.
-
Bild 4 von 6. Il battarist Rolf Caflisch sesa era durant quell'emissiun da la Late Lounge vi da la battaria. Bildquelle: RTR.
-
Bild 5 von 6. Raphael Schneider suna la ghitarra en la Late Lounge Band. Bildquelle: RTR.
-
Bild 6 von 6. La Late Lounge Band durant las emprovas per l'emissiun. Bildquelle: RTR.