12 emnas avant ina festa chantunala da musica survegnan tuttas societads da musica da las differentas categorias e classas in toc da pensum. La cumissiun da musica da l'Uniun Chantunala da musica dal Grischun elegia la litteratura adattada per las musicas participantas. Per tschertas categorias èn quai magari ovras sin incumbensa.
A la 29avla festa chantunala da musica a Claustra ha la cumissiun laschà scriver Andreas Ludwig Schulte per la 4. classa armonia e Brass Band il toc «Stage Clear!». Las 15 societads da musica en la categoria Brass Band 3. classa han gì da preparar «Larein» dal cumponist grischun Simon Bühler e las armonias en 3. classa han survegnì il toc da pensum «Invicta» da James Swearingen.
En duas emissiuns (Artg musical dals 23-06-24 ed Instrumentala dals 26-06-24) udin nus tut ils tocs da pensum.
L' Instrumentala porta musicas ospitantas che preschentan ils tocs da pensum da las categorias armonia e Brass Band da las classas 1. e 2. Vitiers suna la suletta musica en la classa excellenta, il Symphonisches Blasorchester Kreuzlingen, l'ovra «Paris Sketches» da Martin Ellerby. In deletg musical che vala la paina da tschentar en il radio.
L’emissiun preschenta furmaziuns da brass, armonias, fanfaras, musicas militaras, furmaziuns pitschnas ed auter pli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
