La dumengia ils 9 da zercladur 2024 èn las societads da musica da la terza e quarta classa Brass Band sco era da la categoria libra sa preschentadas avant las giurias. 15 Brass Bands da la terza classa èn sa mesiradas en la Arena-Klosters ed han mussà prestaziuns da vaglia. En questa categoria hai dà ils pli blers puncts. Gudagnà ha la finala l'Uniaun da musica Lantsch cun in total da 192 puncts (95 en il toc da patg e 97 en il toc da pensum). Sin plazza dus è la Societad da musica Falera cun 191 puncts (93 / 98) ed era sin il podest è la MG Bonaduz cun 189 puncts (96 / 93).
En la quarta categoria èn be duas musicas sa participadas cun puncts averts. Victura è la Societad da musica Danis-Tavanasa cun 179 puncts (88 / 91) avant MG Vals cun 163,33 puncts (80.33 / 83). Plinavant èn otg societads da musica grischunas prendì part en la categoria libra. Là han els gì da preschentar in program da maximalmain 15 minutas lunghezza.
L'Instrumentala porta ils tocs da patg dals victurs sco era intgins tocs ord la categoria libra.
L’emissiun preschenta furmaziuns da brass, armonias, fanfaras, musicas militaras, furmaziuns pitschnas ed auter pli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
