A Trun sut igl ischi – uschia il text da la chanzun da Ignaz Heim cun il text da Gion Antoni Huonder. La planta descritta en la chanzun exista. Ils ultims 600 onns ha l'ischi da Trun, in simbol per sa tegnair ensemen e la libertad, vesì tut. Ils eveniments politics ed istorics da quests ultims tschientaners (per exempel la fundaziun da la Ligia Sura e la Ligia Grischa, la fundaziun dal «Freistaat Graubünden», las guerras en il Grischun tranter Austriacs e Franzos etc.). Tut quels onns n'ha l'ischi ditg nagut. El è ina perditga mitta da l'istorgia e co ils Grischuns èn daventads Svizzers.
Il cineast Gieri Venzin ed il musicist Clau Scherrer han prendì l'ischi da Trun sco fil cotschen da l'ovra multimediala «Detgas e fatg(a)s d'ina perdetga metta». Cun chant, musica e film vegn d'ina vart raquintada l'istorgia dal ischi sco tala, davent l'entschatta fin oz, e da l'autra vart vegn raquintada l'istorgia co la planta è daventada questa perditga mitica da la Ligia Grischa.
L'onn 1824 ha pader Placi a Spescha organisà l'emprima festa centenara ed il 1924 han il cumponist Duri Sialm ed il poet Flurin Camathias scrit la secunda gronda festa centanara.
La festa da quest onn raquinta sper l'istorgia dal ischi, l'istorgia da las lias er l'istorgia dal chant rumantsch. Il chant ha giugà in'impurtanta rolla per ils Grischuns e per ils Sursilvans sin lur via en Svizra. L'entschatta zercladur 2024 ha la Kammerphilharmonie Graubünden, il chor Cantus Firmus Surselva, il Chor cecilian Trun e la Scola da cant Surselva preschentà l'ovra. Il cumponist da film Lorenz Dangel da Berlin ha scrit novas cumposiziuns che cumbineschan ils differents stils musicals. Sper las chanzuns tradiziunalas «A Trun sut igl ischi» u «Il pur suveran» vegnan er chantadas chanzuns ord las differentas festas centenaras. Sper quai ha Dangel er orchestrà ovras contemporanas sco «Il clom dalla Greina» da Alexi e Marcus, «La pura» da Corin Curschellas ed «Unics» da Pascal Gamboni.
![](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Faudio%2F2020%2F07%2F615d8a03036e462cbee1e3f47b0d67ae.jpg&format=jpg&width=320)
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.