En il center da la segunda stafla da «L’ultim Rumantsch» stattan las dispitas da la famiglia Durisch, possessura e gestiunaria da la pli gronda chasa da medias dal Grischun. Gion (Marco Luca Castelli) zuppenta ils problems finanzials da la chasa da medias fertant che sia nezza Ladina (Annina Hunziker) publitgescha artitgels che mussan praticas dubiusas da famiglias grischunas. Andrietta (Marietta Jemmi), la mamma da Ladina emprova d’in maun da salvar il num da la fatschenta da famiglia e da l’autra vart er da carmalar enavos en il manaschi sia feglia Ladina.
-
Bild 1 von 8Legenda: Sin il set da la segunda staffla «Ultim Rumantsch». RTR -
Bild 2 von 8Legenda: Lavurs da filmar en il conturn dal Welschdörfli a Cuira. RTR
-
Bild 3 von 8Legenda: RTR
-
Bild 4 von 8Legenda: Las lavurs da filmar per la segunda stafla cumenzan. Severin Novacki
-
Bild 5 von 8Legenda: L'equipa davant e davos la camera durant las lavurs da filmada per l'emprima stafla da «L’ultim Rumantsch». Nicola Pitaro
-
Bild 6 von 8Legenda: Acturas, acturs e la squadra davos la camera èn puspè sin il set. Nicola Pitaro
-
Bild 7 von 8Legenda: Severin Novacki
-
Bild 8 von 8Legenda: Severin Novacki
Sin ils fastizs d'in misteri da famiglia
Pervia dal management mal da Gion crodan las maschinas da squitschar or ed uschia vegn l’entira fatschenta en ina situaziun precara. Il conglomerat da medias Allmedia smanatscha da surpigliar la chasa da medias pervia dals problems finanzials. Gion ed Andrietta èn occupads cun la chasa da medias durant che Ladina scuvra in secret da famiglia. Ensemen cun Corsin (Noam Jenal) ch’è stà schefredactur da la «Posta», cumenza ella a far retschertgas che mainan els enfin a Genua.
Tut sin in clic: l'emprima stafla da «L'ultim Rumantsch»
La segunda stafla «L'ultim Rumantsch» è da vesair il november 2025 sin Play RTR, SRF e sin differents auters chanals da la SRG SSR.