La scola sa mida cuntinuadamain. Tant pli impurtant èsi, ch'ils uffants van gugent a scola, ch'els sa sentan bain e che l'uffant po dir suenter 11 onns scola ch'el sa senta segir da far il proxim pass. Uschia vesa Jürg Marguth ch'è lavurer social da scola ina buna scola. Sia visiun è che scolars, scolasts, geniturs e manaders da scola, che tuts pon sa participar e furmar la scola.
Ed impurtant è er che la persuna d'instrucziun percorscha, tge che l'uffant dovra. Là avessan ils scolasts/las scolastas anc dapli cumpetenzas da schliar problems. Il profil dad ina persuna d'instrucziun saja bunamain il profil dad in manager cun tut las sesidas, manegia Jürg Marguth. La prioritad stuess dentant esser tar la relaziun tar il scolar. E quai saja ina dumonda da la tenuta da la scola. Igl è impurtant d'avair bunas tenutas, accentuescha Jürg Marguth.
Tge è ina buna scola?
«Ina buna scola è ina scola, nua che uffants van gugent a scola», di Jürg Marguth, lavurer social da scola.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter