Fatima – tranter miracul e marketing

Dapi ils 13 da matg 2017 ha Fatima dus sontgs: Francisco e Jacinta.

Avant tschient onns duaja Nossadunna esser cumparida als trais uffants Francisco, Jacinta Marto e Lucia dos Santos. Lucia ha nudà pli tard il miracul – ils misteris da Fatima. Oz è Fatima in dals pli enconuschents lieus da pelegrinadi cun tschients millis pelegrins mintg'onn, ma er in eldorado per hoteliers e commerziants da devoziunalias da tuttas sorts.