Ils delegads e las delegadas da las passa 70 baselgias partenarias da l'ovra missiunara evangelic-refurmada Missiun 21 discutan, debattan e prendan decisiuns a la sinoda da missiun internaziunala a Tavau. E quai è impurtant ed indispensabel en temps actuals da guerras e crisas mundialas.
Dapi 200 onns presta Missiun 21 cooperaziun al svilup, agid d'urgenza e reconstrucziun en l'Africa, l'Asia, l'America Latina ed en l'Europa. Quai cun la finamira da pussibilitar ina vita en dignitad a tut ils umans.
Quai vul dir ch'ils participants e las participantas da la sinoda da missiun han bler da discutar. Ma i vegn era a dar in program accumpagnant varià per tuts e tuttas. A la sinoda da missiun vegni sautà, ins po visitar concerts ed autras preschentaziuns da cultura, sagiar spezialitads culinaricas ord cuschinas da l'entir mund, far part a discussiuns al podium, referats ed a servetschs divins.
Co ch'in tal format po dentant propi gidar da midar il mund e tge sfida che quai munta per la squadra d'organisaziun, da quai raquintan Curdin Mark, il copresident dal comite da patrunadi da la sinoda da missiun e Christoph Rácz da l'ovra missiunara Missiun 21.
Dapi 200 onns presta Missiun 21 cooperaziun al svilup, agid d'urgenza e reconstrucziun en l'Africa, l'Asia, l'America Latina ed en l'Europa. Quai cun la finamira da pussibilitar ina vita en dignitad a tut ils umans.
Quai vul dir ch'ils participants e las participantas da la sinoda da missiun han bler da discutar. Ma i vegn era a dar in program accumpagnant varià per tuts e tuttas. A la sinoda da missiun vegni sautà, ins po visitar concerts ed autras preschentaziuns da cultura, sagiar spezialitads culinaricas ord cuschinas da l'entir mund, far part a discussiuns al podium, referats ed a servetschs divins.
Co ch'in tal format po dentant propi gidar da midar il mund e tge sfida che quai munta per la squadra d'organisaziun, da quai raquintan Curdin Mark, il copresident dal comite da patrunadi da la sinoda da missiun e Christoph Rácz da l'ovra missiunara Missiun 21.
