Siglir tar il cuntegn

Header

Survista video Survista audio

cuntegn

RTR Racolta 2024 Tranter verdura, maila e nuschs

Igl è puspè uras per RTR Racolta. A Valchava mussa Corina Bott ses iert ed avra ses tschaler da conservas. En la Tumleastga giain a la tschertga da sorts veglias da maila. Ed a Malans visitain la plantascha da nuschers e guardain co la pli moderna maschina da la Svizra smatga tonnas da nuschs.

Autor: 

09.10.2024, 12:01

Parter

Nusch indigenas per la turta da nuschs

Grazia a la Cooperativa Swiss Nuss po la turta da nuschs grischuna vegnir producida cun nuschs indigenas. Avant 15 onns ha il pur Johannes Janggen gì il curaschi ed ha cumenzà a plantar nuschers. Dentant dumbra la plantascha a Malans 1’300 nuschers. Quels dovran, sa chapescha, temp da crescher e purtar fritg.

Bildergalerie überspringen
  • Bild 1 von 16. La pli gronda plantascha da nuschs dal Grischun. 1300 nuschers sa chattan sin il bain da Johannes Janggen a Malans. Bildquelle: RTR.
    Obstbaumreihe auf grüner Wiese unter bewölktem Himmel.
  • Bild 2 von 16. La maschina che scua, ramassa e chargia las nuschs. Igl è pir il segund onn che quella maschina ramassa las nuschs a Malans. Bildquelle: RTR.
    Rote landwirtschaftliche Maschine im Obstgarten.
  • Bild 3 von 16. Ils nuschers portan onn per onn dapli nuschs. Avant 15 onns han ins cumenzà a plantar nuschers a la gronda. Bildquelle: RTR.
    Person pflückt Äpfel von Bäumen in einer Obstplantage.
  • Bild 4 von 16. La maschina fa sias rundas tras la plantscha. Pli baud vegnevan las nuschs ramassadas tut a maun. Bildquelle: RTR.
    Roter Maschinenwagen in einer Baumplantage mit Bergen im Hintergrund.
  • Bild 5 von 16. Ellas dovran anc in mument. Las nuschs ston l'emprim sa deliberar da lur paletscha. La paletscha verda vegn tranter auter duvrada per dar colur a launa-nursa. Bildquelle: RTR.
    Walnüsse am Baum vor Bergkulisse.
  • Bild 6 von 16. Ellas crodan bainprest. Las nuschs èn sa deliberadas e crodan da sez ubain vegnan scurladas dal pumer. Pli baud tut a maun. Dentant datti era ina maschina che scrola. Bildquelle: RTR.
    Walnüsse in Schale an Baumzweig mit grünen Blättern.
  • Bild 7 von 16. Il piunier en sia plantscha da nuschs. Avant 15 onns ha Johannes Janggen gì ina visiun ed ha ristgà. En Svizra datti be paucs purs che cultiveschan nuschs. Bildquelle: RTR.
    Mann in brauner Jacke steht in einem Obstgarten.
  • Bild 8 von 16. Il pli grond "smatganuschs" da la Svizra. Dapi 5 onns smatga quella maschina las nuschs da la Cooperativa Swiss Nuss. Cumprada en la California po ella schmatgar 1 tonna a gi. Bildquelle: RTR.
    Industriemaschine mit Treppe und grossen Behältern in Halle.
  • Bild 9 von 16. Lavar, sientar, smatgar. Suenter ch'ellas èn racoltadas vegnan las nuschs lavadas. Fin 3 dis dovrani da sientar bain. Smatgà vegn tenor empustaziuns. Bildquelle: RTR.
    Grosse Menge Walnussschalen unter einem rostigen Metalltrichter.
  • Bild 10 von 16. La crosa da las nuschs vegn era duvrada. U per far cotgel da biomassa. Novissimamain vegn la crosa duvrada per stgaldar. Funcziuna dentant be cun pignas da pellets conformas per crosa. Bildquelle: RTR.
    Grosse Säcke vor einem Holzgebäude mit Maschinen im Freien.
  • Bild 11 von 16. La pli nova maschina tar la Swiss Nuss a Malans. Ina maschina che lavura cun intelligenza artifiziala e separa las nuschs dals pli pitschens tocs crosa. Ella sortescha era nuschs na bunas. Bildquelle: RTR.
    Industriegerät mit Bildschirm und Schläuchen in Lagerhalle.
  • Bild 12 von 16. Pli baud tut a maun. Uss fan anc duas persunas la controlla finala. En l'avegnir dovri be pli ina. Bildquelle: RTR.
    Zwei Personen in Haarnetzen sortieren Bohnen an einem Förderband.
  • Bild 13 von 16. Pachetar e vacumar. Las mesas nuschs sa tschentan en satgs da diversas grondezias e peisa e van en la vendita. Bildquelle: RTR.
    Beutel mit getrockneten Lebensmitteln auf einem Tisch neben Industriemaschine.
  • Bild 14 von 16. La pli pintga part da la nusch. Las quasi be mieulas da la nuschs vegnan duvradas per far chaschiel. Bildquelle: RTR.
    Weisse Schaufel in Behälter mit Nussschalen.
  • Bild 15 von 16. I dovra divers products per far enconuschenta la nusch svizra . Dapi 1 onn è Aron Candrian mainafatschenta da la Swiss Nuss a Malans. Principalmain vegnan las nuschs duvradas per far la turta da nusch. Bildquelle: RTR.
    Mann mit Nusstüte vor Holzregalen im Laden.
  • Bild 16 von 16. La nusch indigena ha potenzial. Nuschs entiras, nuschs smatgadas, nuschs sco snack, pasta da nuschs, ieli da nuschs. Bildquelle: RTR.
    Regal mit Baumnussprodukten und Preisschildern.
Zurück zum Anfang der Bildergalerie.

La racolta da nuschs è dentant creschida dad in pèr tschient kilos a pliras tonnas. Da quai dad otg tonnas vegni ad esser quest onn. Entras la primavaira bletscha è la racolta da nuschs pli pitschna che spetgà. L’elavuraziun da las nuschs succeda era a Malans. Tar la Swiss Nuss stat la pli gronda maschina da smatgar nuschs da la Svizra. Cumprada ed importada da la California, ina da las grondas regiuns da nuschs dal mund.

Podcast Nossa cuschina

RTR preschenta mintga mesemna in’autra tratga per cuschinar suenter.
Ulteriurs audios e podcasts

En il curtin d'unicats a Rodels

Bildergalerie überspringen
  • Bild 1 von 20. Il curtin dals unicats a Rodels. Avant 15 onns han ins cumenzà a salvar sorts veglias. Dentant dumbra il curtin 43 pumers. Bildquelle: RTR.
    Obstgarten mit Apfelbäumen und Bergen im Hintergrund.
  • Bild 2 von 20. Tut è pront per il di da racolta. Stgalas, lantschas, chanasters, harassas. La maila na vegn betg scurlada giu dals pumers. Bildquelle: RTR.
    Leiter und Korb auf Wiese unter Obstbäumen, Person pflückt im Hintergrund.
  • Bild 3 von 20. Il "bist da nums" . Qua pon ins leger tut ils nums dals unicats. Era ils nums da padrins e madretschas da mintga pumer che gidan a finanziar il project. Bildquelle: RTR.
    Obstgarten mit gehacktem Baumstamm im Vordergrund.
  • Bild 4 von 20. In soli da mintga sort. Mintga mailer è marcà cun ina plachetta cun si ses num. Bildquelle: RTR.
    Apfelbaum mit Schild 'Citronenapfel' auf grüner Wiese.
  • Bild 5 von 20. Els portan uschè bler sco anc mai. Fin che tut la maila è racoltada èsi dad ir bleras giadas da stgala si e giu ed emplenir e svidar il chanaster. Bildquelle: RTR.
    Person auf Leiter pflückt Äpfel im Obstgarten.
  • Bild 6 von 20. Il sulet gidanter rumantsch ... ... è arrivà cun ses tractor a far racolta. Bildquelle: RTR.
    Person steht auf Traktor und erntet Äpfel von einem Baum.
  • Bild 7 von 20. Magari practic da pudair star sin la punt e prender giu la maila. Johannes Etter racolta la sort cun num rumantsch "Mela Sogn Giacum". Bildquelle: RTR.
    Mann erntet Äpfel von einem Baum.
  • Bild 8 von 20. La presidenta è vid prender giu ses preferì. Martina Mändli presidiescha gia blers onns l'Uniun da puma Grischun central. Ses mail preferì è il "Ceresia". Bildquelle: Udo Wuchner.
    Person pflückt Äpfel von einem Baum mit einer Leiter.
  • Bild 9 von 20. Senza el na va nagut. Christian Buchli tgira e cultivescha e documentescha il curtin da raritads. El decida era cura che tge sort è madira e po vegnir racoltada. Bildquelle: Udo Wuchner.
    Mann pflückt Äpfel von einem Baum.
  • Bild 10 von 20. Giudair ils ultims radis da sulegl. En curt sa tschentan era els en ina harassa. Bildquelle: RTR.
    Apfelbaum mit roten Äpfeln auf grüner Wiese vor Bergkulisse.
  • Bild 11 von 20. Las harassas s'emplainan. La maila racoltada spetga sin il transport. Bildquelle: RTR.
    Apfelkisten und Eimer auf einer Wiese.
  • Bild 12 von 20. Il microfon fa ina pausa . Sch'els pudessan, sa tge che raquintassan, da lur derivanza lunsch en il passà. Bildquelle: RTR.
    Kiste mit Äpfeln und Mikrofon im Gras.
  • Bild 13 von 20. Maila da bellezza. Cun nums sco Ceresia, Obenauf ni Neesler. Bildquelle: RTR.
    Rote Äpfel in einer schwarzen Kiste.
  • Bild 14 von 20. Maila en gronds quantums. Cun nums sco Cazner ni Lugnezer Reinette ni Mela da Sched. Bildquelle: RTR.
    Schwarze Kiste voller roter Äpfel auf dem Boden.
  • Bild 15 von 20. Maila da qualitad. Cun nums sco Pupille, Bellefleure ni Marc Ini. Bildquelle: RTR.
    Ein Holzkorb mit grünen Quitten, eine durchgeschnitten.
  • Bild 16 von 20. Harassa sin harassa . Il tschaler a Rodels s'emplaina. Per evitar confusiuns è mintga harassa marcada cun il num dal mail. Bildquelle: RTR.
    Apfellager mit Holzkisten und Plastikbehältern auf Regalen.
  • Bild 17 von 20. Preparar "ignivs" per la maila. L'Uniun da puma Grischun central lascha reviver la stgatla da degustaziun. Bildquelle: RTR.
    Offene Pappschachtel mit sechs Fächern und Holzwolle.
  • Bild 18 von 20. 9 mails en la stgatla Zoja. Mintga mail en la stgatla da degustaziun survegn ina carta da visita che cuntegn bleras infurmaziuns. Era davart sia derivanza. Bildquelle: Udo Wuchner.
    Verschiedene Apfelsorten in Kartons mit Beschreibungen.
  • Bild 19 von 20. Ina stgatla per scuvrir il gust da las sorts veglias. La stgatla da degustaziun fa parita. Po vegnir cumprada a fieras regiunalas ubain vegnir pustada tar l'uniun da puma GR central. Bildquelle: Udo Wuchner.
    Geöffneter und geschlossener Versandkarton mit Produktbild und Broschüre.
  • Bild 20 von 20. Il "cor" dal curtin da las sorts veglias. Martina Mändli e Christian Buchli èn il "motor" dal curtin d'unicats a Rodels. Bildquelle: RTR.
    Zwei Personen in einem Obstgarten mit Korb und Stange.
Zurück zum Anfang der Bildergalerie.

Nus sefermain en quella regiun dal Grischun ch'ha in mailer en sia vopna, la Tumleastga. Che vegn era numnada il «curtin da puma» dal Grischun. Ed in curtin pli spezial, entaifer il curtin, sa chatta a Rodels. In ch'è vegnì instradà avant 15 onns per salvar sorts propi veglias ed unicas, chattadas in pau dapertut en noss chantun. Quest atun èsi l'emprima giada ch'ils mailers, ch'èn dentant vegnids gronds e ferms, portan propi blera maila. Chaschun da visitar l'uniun da puma dal Grischun central che tgira e cultivescha quest curtin da las raritads durant in dals dis da racolta. Per endriescher in pau dapli da las sorts veglias cun nums sco Sogn Giacum, Obenauf, Ceresia, Neesler, Reinette da Cazas e da la Lumnezia. Ed era udir da la renaschientscha da la stgatla da degustaziun Zoja.

Visita tar Corina Bott a Valchava

Racolta cun Corina Bott da Valchava

Bildergalerie überspringen
  • Bild 1 von 6. Corina Bott ha pudì racoltar passa 20 sorts verduras. La dunna da 57 onns dat gronda paisa sin products indigens biologics. Bildquelle: RTR.
    Person kniet im Gemüsegarten mit grossen Kohlköpfen, Zucchinis, Karotten und anderen Gemüsen.
  • Bild 2 von 6. Las carottas ston esser sitgas avant che conservar en la fora. Il capo da la conservaziun da carottas è Gian Bott. Bildquelle: RTR.
    Karotten auf einem weissen Tuch im Freien.
  • Bild 3 von 6. Las carottas vegnan conservadas en ina fora protegida. Pliras rasadas da carottas, taila d'iert e strom conserveschan las carottas enfin primavaira. Bildquelle: RTR.
    Karotten auf grünem Netz im Strohbett.
  • Bild 4 von 6. En la serra creschan tomatas, cucumeras ed ervas. Che Corina Bott ha in polesch verd es bain cler. Tut crescha e verdegia a moda biologica. Bildquelle: RTR.
    Person pflückt Tomaten in einem Gewächshaus.
  • Bild 5 von 6. Zuchettis conservads en dultsch asch sa chattan gia en tschaler. Buglia da maila, giabus cotschen, confitura, sirups, cumpot da fritgs e bler auter sa chatta en il tschaler da conservas. Bildquelle: rtr.
    Zwei Gläser mit eingelegtem Gemüse auf Holzoberfläche.
  • Bild 6 von 6. Corina Bott cun Gaby Degonda. Bels muments a Valchava – «Grazia fitg, dunna Corina». Bildquelle: RTR.
    Zwei lächelnde Frauen, eine hält ein RTR-Mikrofon, Hintergrund mit grüner Landschaft und Wald.
Zurück zum Anfang der Bildergalerie.

RTR accumpagnament 10:00

Artitgels legids il pli savens

Menu

Tschertga

Navigaziun principala

Enquista en Modal

(Vegn avert en ina nova fanestra.)