Recept - Mieuretta da fritgs

Has ti gugent fritgs u vuls crear in bel plat che fa gust da mangiar ils fritgs? Qua na ha tia creativitad nagina limitaziun. Ti poss crear animals cun ils pli differents fritgs. Ina instrucziun sco inspiraziun chattas ti qua sut.

Las ingredienzas per la mieuretta da fritgs
per 1 mieuretta

• 1 mango ubain papaya
• 2 lindornas da lacriza
• 4 tschagugliuns
• 1-2 datlas
• 3 izuns
• 2 cumquats (u sco alternativa 1 ulteriura datla)
• 2 egls da zutger

Instrucziun pass per pass

1. Far giu la paletscha da la mango ubain dal papaya.
2. Tagliar il fritg en duas parts egualas e plazzar ina da quellas sin in plat.
3. Tagliar las datlas permez. Allontanar il coc. Plazzar las datlas sco chommas da la mieur.
4. Tagliar 3 tschagugliuns en duas parts, uschia ch’i dat 6 barbis. Plazzar quels amez il fritg e metter in izun lasura. Quai furma il nas da la mieur.
5. Tagliar ils cumquats (ubain 1 ulteriura datla sco alternativa) en 2 parts e plazzar sco mauns a dretga e sanestra dal fritg.
6. Plazzar 2 izuns sco egls e metter lasura ils egls da zutger.
7. Prender las 2 lindornas da lacriza e far cun quellas 2 ureglias.
8. 1 tschagugliun po servir sco cua da la mieur.

Tip: La mieur pudais vus crear cun tge fritgs che vus vulais u che voss uffants han il pli gugent (p.ex. oranschas, bananas, farbuns).

Pass per Pass

Recept sco PDF / Rezept als PDF