Marco Odermatt gudogna sia segunda medaglia d'aur als campiunadis mundials da skis. Suenter la victoria en la cursa rapida gudogna el er il slalom gigant. Cumplettà vegn il triumf svizzer da la medaglia d'argient per Loïc Meillard. Il skiunz da Neuchâtel ha mussà in segund percurs brigliant ed ha fatg il sigl dal quart sin il segund plaz. Terz vegn il pli spert da l'emprim percurs Marco Schwarz da l'Austria. El ha fatg curt avant l'arrivada in sbagl ed ha cun quai pers il temp decisiv sin Odermatt e Meillard.
Intervistas cun Marco Odermatt e Loïc Meillard
- Marco Odermatt (SUI) 2:23.08
- Loïc Meillard (SUI) +0,32 secundas
- Marco Schwarz (AUT) +0,40 secundas
Trais Svizzers en ils top 10
Il Grischun Gino Caviezel è vegnì 9avel. Il Samignechel Thomas Tumler ha fatg il sigl dal 27avel sin il 18avel plaz suenter in segund percurs solid.
- 9. Gino Caviezel +2,24 secundas
- 18. Thomas Tumler +4,28 secundas
