La Canadaisa Laurence St-Germain batta sensaziunalmain Mikaela Shiffrin en il slalom dals campiunadis mundials da skis. La skiunza da Quebec n'ha anc mai gudagnà ina cursa en la cuppa mundiala. Mikaela Shiffrin gudogna sia terza medaglias dals campiunadis suenter l'argient en il super-G e l'aur en il slalom gigant. Bronz va a la Tudestga Lena Dürr.
- Laurence St-Germain (CAN) 1:43.15 secundas
- Mikaela Shiffrin (USA) +0,57 secundas
- Lena Dürr (DE) +0,69 secundas
Wendy Holdener ha manchenta sia terza medaglia als campiunadis en maniera crudel. Suenter ses segund plaz enl'emprim percurs, è ella crudada ora suenter in temp intermediar pli spert che St-Germain.
L'Uranaisa Aline Danioth ha mussà er en il segund percurs ina buna prestaziun ed ha fatg in sigl dal 9avel sin il 6avel plaz, Camille Rast vegn 27avla.
Las Svizras:
- 6. Aline Danioth +0,97 secundas
- 27. Camille Rast +2,13 secundas
- crudada ora: Wendy Holdener
- Michelle Gisin ha decidì da betg far il segund percurs suenter ses 35avel plaz suenter l'emprim percurs.
