Dus slaloms gigants ad Aspen en ils Stadis Unids – ed omaduas giadas van ils Svizzers Marco Odermatt e Loïc Meillard sisum il podest. Meillard ha pudì tegnair ses plaz cuntanschì en l'emprim percurs, ed Odermatt ha fatg il sigl da plaz 3 sisum il podest. Il spert da l'emprim percurs, il Norvegiais Alexander Steen Olsen ha fatg in grond sbagl ed è la finala daventà 17avel. Sco terz è tuttina anc in Norvegiais arrivà, numnadamain Timon Haugan. El ha uschia sia premiera da podest en il slalom gigant.
- Marco Odermatt (SUI) 2:03.20
- Loïc Meillard (SUI) +0,34
- Timon Haugan (NOR) +0,58
Ils ulteriurs Svizzers en il segund percurs:
- 8. Thomas Tumler +1,40
- 10. Gino Caviezel +1,81
- 18. Fadri Janutin +2,64
- 19. Justin Murisier +2,72
