Marco Odermatt ha gudagnà il slalom gigant ad Aspen en ils Stadis Unids, e cunquai era la 11avla cursa en fila da sia disciplina speziala. Uschia è el mo trais victorias davos il record istoric da 14 victorias en seria, dal Svedais Ingemar Stenmark. Vitiers ha el gia segirà prematuramain la culla pitschna dal slalom gigant.
Cun Odermatt e Loïc Meillard èn dus Svizzers stads ils sperts, sulet 0,14 secundas als han separà. Terz è daventà il Norvegiais Atle Lie McGrath. Il Grischun Thomas Tumler ha manchentà il podest mo per 0,18 secundas – ed è vegnì sin plaz quatter.
Il podest:
- Marco Odermatt (SUI) 02:07.87
- Loïc Meillard (SUI) +0,14
- Atle Lie McGrath (NOR) +0,81
Ils ulteriurs Svizzers:
- 14. Fadri Janutin +2,20
- 19. Gino Caviezel +2,82
- 23. Justin Murisier +3,33
- 24. Luca Aerni +3,50
Crudads or en l'emprim percurs èn ils Svizzers Livio Simonet, Marco Fischbacher e Sandro Zurbrügg.
