Mintga dus onns ha lieu il Festival olimpic europeic da giuventetgna. Questa giada a Bakuriani. En la Georgia ha la delegaziun svizra pudì festivar numerus success. Da tut las naziuns ch’eran da la partida tar il festival olimpic è la Svizra stada la terz meglra naziun da tuttas. Gist indesch medaglias èn vegnidas gudagnadas dad atletas ed atlets, ni dad ina equipa svizra.
Campiunessa olimpica Nina Cantieni
Gist trais da quellas indesch medaglias ha la passlunghista Nina Cantieni da Samedan gudagnà. La giuvna da deschset onns è campiunessa olimpica en la disciplina sprint. Ulteriuras duas medaglias da bronz ha ella gudagnà en la cursa sur 5 kilometers en il stil classic e cun la staffetta maschadada. Per Nina Cantieni era il festival olimpic europeic in grond success. In success ch’è era vegni festivà dal agen club, il Club da skis Piz Ot da Samedan.
Cler era la finamira da far buns resultats. Ma gist uschia buns n’avess jau mai cartì.
Festa da bainvegni per Nina Cantieni
-
Bild 1 von 3. Uffans festagian ils success da Nina Cantieni. Bildquelle: RTR.
-
Bild 2 von 3. Festa per Nina Cantieni. Bildquelle: RTR.
-
Bild 3 von 3. Nina Cantieni e sias 3 medaglias. Bildquelle: RTR.
Bainvegni tar il Club da skis Piz Ot
A Samedan tar il Club da skis Piz Ot ha cumenzà la carriera da la giuvna campiunessa. En la partiziun da Giuventetgna e Sport (JO) ha ella emprendì l’amulain dal passlung. Uschia sun ils uffants dal Club da skis Piz Ot stads spalier per la giuvna passlunghista. Ensemen cun ils uffants, cun la famiglia e cun blers amis ha Nina Cantieni fatg in eviva sin ils success.
Or da l'archiv: