Alex Fiva è tranter auter vegnì beneventà dad Urs Marti, il president da la citad da Cuira, e dal cusseglier guvernativ Jon Domenic Parolini. Preschents èn er stads sia famiglia, amis, collegas d’equipa e fans dal skicrosser grischun ch’è naschì en ils Stadis Unids e creschì si a Parpan.
Dapi intgins onns viva el dentant cun sia famiglia a Cuira. Per ina surpraisa ha Nino Schurter procurà ch’ha gratulà a Fiva via telefon ord la Brasilia nua che Schurter parta en in’emna a l’emprima cursa da la cuppa mundiala en questa stagiun.
Er fatg festa cun Alex Fiva han commembers dals Calanda Broncos nua ch’il skicrosser ha giugà activ durant intgins onns sco er ses Club da skis Parpan. L’entir act festiv è vegnì embellì cun mussar maletgs ord sia carriera, cun musica e cocktails.
