Alex Fiva da Cuira gudogna l'emprima medaglia per il Grischun a quests gieus olimpics. Igl è il punct culminant da la carriera da l'um da 36 onns, suenter ch'el è daventa campiun mundial 2021. Als gieus olimpics 2014 a Sotchi era el be vegnì 31avel, quai pervi d'ina blessura vid il dies.
Per Ryan Regez, l'actual leader dal classament general, è la medaglia dad aur sia emprima medaglia ad in eveniment grond. Il Bernais è stà ina classa per sasez. Dal otgavelfinal fin en il final ha el dominà tut sias cursas ed uschia triumfà meritadamain.
Las medaglias:
- Ryan Regez
- Alex Fiva
- Sergey Ridzik ROC
Ils ulteriurs Svizzers:
- quart-final, Joos Berry
- otg-avel final, Romain Détraz
