Victoria da chasa per Andri Ragettli. Dal Laax Open ha il skiunz da Flem gudagnà la cursa da freeski slopestyle cleramain avant l'American Alexander Hall ed il Norvegiais Birk Ruud. Per il campiun mundial dal 2021 èsi la 11avla victoria en la cuppa mundiala.
Tar fitg grevas cundiziuns cun naiv nova, vent e nebla è Andri Ragettli vegnì en l'emprim percurs sin 79.08 puncts, quai ch'è la fin finala stà la meglra prestaziun dal di.
Bunas prestaziuns han era dus ulteriurs Svizzers mussà. Valentin Morel è vegnì 7avel e Fabian Bösch 8avel.
Ils resultats da la concurrenza.
Bilantscha 2023
La sonda han ins annullà il final da snowboard en la halfpipe. Era il final da las dunnas da freesky slopestyle da la dumengia è annullà pervia da la tschajera e navada. Dals finals da questa fin d'emna han ils organisaturs annullà la mesadad. Ina bilantscha sportiva vegn da noss expert Mattias Menzli:
