Dus frars sumegliants u tuttina betg?
Nicola (22) e Gian Andri Bollinger (20) èn frars ed omadus activs en la scena da freestyle. Ils dus skiunz partan perfin en las medemas disciplinas. Al Laax Open èn ils dus Engiadinais en acziun en la disciplina slopestyle.
Fin oz spetgan ils dus da Zuoz anc sin ils grond success en la cuppa mundiala. La meglra plazza da Nicola Bolinger è fin oz in 17avel rang e per Gian Andri Bolinger in 15avel rang. In stgalim pli a bass – en la cuppa d'Europa – han els dentant omadus gia festivà victorias.
-
Bild 1 von 2Legenda: Gian Andri Bolinger al Big Air a Cuira 2024 Freshfocus
-
Bild 2 von 2Legenda: Nicola Bolinger als Gieus olimpics da giuventetgna 2020 a Leysin. Keystone
RTR ha discurrì cun ils dus Engiadinais, avant lur qualificaziun al Laax Open, e guardà, tranter auter, quant sumegliants u differents ch’els èn atgnamain.
Jau crai ch'igl è bun d'avair ina rivalitad, er tranter frars. Ma nus essan er buns amis.
Program Laax Open 2025
Ils megliers freestylers dal mund èn er quest'onn puspè da la partida a Laax. Ils topshots svizzers Andri Ragettli, Mathiilde Gremaud, Sarah Höfflin u er Jan Scherrer vegnan a procurar per spectachel tar la 10avla ediziun dal Laax Open. Spezialmain dal indigen Andri Ragettli vegn natiralmain spetgà bler a ses event da chasa. L'onn passà è l'atlet da 26 onns vegnì tschintgavel. L'onn 2023 ha el gudagnà il slopestyle al Laax Open.
Las decisiun per las plazzas a podest datti envers la fin d'emna. Il venderdi datti da vesair il final dals skiunz en la disciplina da slopestyle. La sonda è lura tut il focus sin ils snowboardists. Emprim en ils megliers slopestylers en acziun e la saira sut glisch da projects datti lura da vesair il spectachel en la mesapipa.
Qua chattais ina survista dal program sportiv dal Laax Open 2025:
| 14-01-2025, 08:30 - 11:00 | Freeski dunnas | Mezfinal slopestyle |
| 16-01-2025, 08:15 - 11:45 | Snowboard dunnas | Mezfinal slopestyle |
| 16-01-2025, 12:00 - 14:45 | Snowboard umens | Mezfinal slopestyle |
| 17-01-2025, 08:30 - 10:45 | Snowboard dunnas | Mezfinal mesapipa |
| 17-01-2025, 09:00 – 11:45 | Freeski umens | Mezfinal slopestyle |
| 17-01-2025, 10:45 – 14:45 | Snowboard umens | Mezfinals mesapipa |
| 17-01-2025, 13:15 – 15:00 | Freeski dunnas ed umens | Final Slopestyle |
| 18-01-2025, 13:15 – 14:45 | Snowboard dunnas ed umens | Final Slopestyle |
| 18-01-2025, 18:15 – 19:45 | Snowboard dunnas ed umens | Final mesapipa |
Sper il program sportiv sin il Crap Sogn Gion datti era acts musicals en il vitg, a Laax Murschetg.
Sa participai e gudagnai
Dai resposta correct a las dumondas en il formular e cun in zic cletg gudagnais Vus in bigliet dal di per il territori da Laax.