Dapi onns vala il Laax Open sco in dals pli gronds ed enconuschents eveniments da snowboard e freeski da l’Europa. Per che quai restia uschia, dovri però mintg’onn in grond sforz davart l’organisaziun.
Per las meglras atletas ed atlets dal mund construeschan ils da Laax mintg’onn ina halfpipe ed in percurs da slopestyle. E per ils fans da l’eveniment vegn purschì sper il spectacul sin la muntogna – era in vast program a l’ur cun concerts, in exposiziun d’art, sairas da film e differentas partys.
