Il HCD survegn rinforzament dal Grischun. Luca Hollenstein, Nico Gross e Tino Kessler dattan proxima stagiun en l'equipa da Tavau, annunzia il HCD en ina communicaziun a las medias.
Hollenstein e Gross vegnan da l'EV Zug ed han mintgamai in contract per dus onns. Tino Kessler ha suttascrit per quatter stagiuns, e mida da l'EHC Bienna en il Grischun.
Luca Hollenstein è oriundamain da Domat, ha trenà tar l'EHC Cuira avant da midar tar l'EV Zug. El è suenter il goli Leonardo Genoni il numer dus a Zug. Nico Gross è da Puntraschigna, ha cumenzà sin il glatsch tar l'EHC San Murezzan ed ha passentà trais onns en ils Stadis Unids. Dapi 2020 è el enavos en la Svizra centrala.
Tino Kessler ha gia trenà sco junior a Tavau. El saja sa sviluppà a Bienna ad in giugadur privlus per il gol da l'adversari. El ha cumenzà a dar hockey tar Partenz Signuradi.
