50 onns Tavau Nordic - Emprender da l'idol Dario Cologna

Avant ch’ils profis èn vegnids acziun la sonda a Tavau è la loipa al pe dal Flüela l’emprim stada reservada per ils giuvens. Radund 300 uffants e giuvenils han pudì trenar cun lur idol Dario Cologna, quai en il rom dal «Dario Cologna Kids Event».

Clamà en vita quest event aveva avant passa 20 onns l’anteriur profi e star norvegiais Björn Daehlie. El vala anc oz sco in dals gronds sportists d’enviern insumma. Daehlie ha gudagnà gist 12 medaglias olimpicas (8 giadas aur e 4 giadas argient) e 17 medaglias a campiunadis mundials (9 giadas aur, 5 giadas argient e 3 giadas bronz). Avant dus onns ha el surdà quest event a Dario Cologna. Il principal da quest event saja il plaschair ed il moviment, uschia il quatter-dubel campiun olimpic.

Impressiuns dal «Dario Cologna Kids Event»