Er l'avust 2024 ha la cursa da mountainbike Swiss Epic puspè lieu en il Grischun. Il Swiss Epic è ina cursa da tschintg etappas, nua che las ciclistas ed ils ciclists cumbattan betg persuls, mabain en teams da dus. I dat squadras da dunnas, d'umens ed equipas maschadadas. Da la partida vegnan ad esser teams professiunals ma er amaturas ed amaturs.
Sur 341 kilometers tras il Grischun
La cursa cumenza ils 20 d'avust a La Punt e maina enfin Tavau, nua che la cursa va a fin ils 24 d'avust suenter 341 kilometers e 11'400 meters d'autezza.
| Data | Etappa |
| 20-08-2024 | La Punt – La Punt |
| 21-08-2024 | La Punt – Tavau |
| 22-08-2024 | Tavau – Tavau |
| 23-08-2024 | Tavau – Cuira |
| 24-08-2024 | Tavau – Tavau |
Impressiuns dal Swiss Epic 2023
