En terza liga ha il CB Trun-Rabius pers sonda cunter il FC Schaan cleramain cun 1:8. L'equipa sursilvana resta sin la plazza 10 gist sur il stritg.
Ed ella po restar en la terza liga. La segunda equipa da Domat ha perdì dumengia cunter Cuira 97 2 cun 4:2, e na po betg pli cuntanscher 19 puncts sco Trun/Rabius en la tabella.
Dumengia ha l'US Schluein Glion en ina partida a chasa gudagnà cunter il FC Triesenberg e sa chatta sin plazza 3 da la tabella.
2. liga interregiunala
Cuira 97 ha gudagnà sonda saira cunter il FC Adliswil cun 2:0. Cunquai sa posiziunescha Cuira sin plazza sis en la tabella.
2. liga regiunala
Valposchiavo Calcio ha sonda pers ordaifer cunter il FC Wittenbach cun 3:4. Ils Grischuns sa chattan uschia sin la plazza 11 da la tabella, gist sur il stritg.
