La stagiun da speed per ils umens na po betg cumenzar tenor plan. La premiera da la nova cursa rapida al Matterhorn cun partenza en Svizra ed arrivada en l'Italia è vegnida stritgada da la Federaziun internaziunala da skis (FIS) suenter in'inspecziun da la pista. I n'haja betg avunda naiv per manar atras la cursa proxima fin d'emna.
Er cursas da las dunnas annulladas
Las cursas da las dunnas èn stadas planisadas in'emna pli tard la fin d'emna dals 4/5 da november. Las temperaturas chaudas e la plievgia ferma impedeschan la realisaziun. La decisiun cunter las cursas ha la FIS piglià suenter la controlla da naiv da mardi.
Anc n’èsi betg cler sche e cura che las duas cursas rapidas vegnan prendidas suenter.
