L'emprima cursa da la nova stagiun n'ha betg lieu. Sco ch'ils organisaturs han communitgà, vegn il slalom gigant da las dunnas a Sölden annullà. Motiv perquai è la plievgia durant la notg e las prognosas d'aura che n'èn betg pli empermettentas. Quai ha communitgà la FIS. Davart ina cursa da remplazzament vegnia decidì ils proxims dis.
![Sonda damaun a Sölden.](https://www.rtr.ch/static/cms/images/960w/7da726.jpg)
A la partenza da la cursa fissan idas totalmain 10 Svizras, tranter ellas las Grischunas Vanessa Kasper e Jasmin Flury. Per la dumengia è planisà il slalom gigant dals ummens.