L'Arena da biatlon a Lai survegn ils onns 2021 fin 23 mintgamai 150'000 francs da la vischnanca da Lantsch. Ils daners èn previs per l'organisaziun da concurrenzas ed events. La radunanza communala ha approvà in credit d'impegn.
Per la medema perioda ha la radunanza communala plinavant concludì ina garanzia da deficit da 50'000 francs ad onn per structuras dal di cuntinuantas. Er la Nova Fundaziun Origen dastga quintar cun sustegn finanzial da Lantsch. En tut ha il suveran deliberà ina summa da stgars 29'000 francs per ils onns 2022 fin 2025.