Las meglras atletas ed ils megliers atlets da freestyle sin aissa e skis sa mesiran dals 17 enfin ils 30 da mars 2025 en las disciplinas da slopestyle, mesa pipa, big air, cross, slalom e slalom gigant parallel, aerials e moguls e cumbattan per medaglias e titels da campiun e campiunessa mundiala. Las concurrenzas han lieu sin la Corviglia sur San Murezzan, a la schanza olimpica da San Murezzan e sin il Corvatsch visavi Silvaplauna. En tut datti 28 decisiuns da medaglias en 15 disciplinas. Ils organisaturs fan quint cun radund 1'200 atletas ed atlets da tut il mund e millis visitadras e visitaders.
Il program dals campiunadis mundials da freestyle
Qua chattais ils puncts da program nua ch'i dat concurrenzas da medaglias. Als ulteriurs dis datti anc trenaments e qualificaziuns en las differentas disciplinas.
Sper las concurrenzas sportivas datti enturn ils campiunadis mundials differentas occurrenzas sco per exempel concerts.
Las disciplinas
-
Bild 1 von 7Legenda: skicross Quatter skiunzas u skiunzs surmuntan uschè svelt sco pussaivel in percurs cun schanzas, undas e curvas. Freestyle-WM 2025 -
Bild 2 von 7Legenda: snowboardcross Las concurrenzas da snowboard- e skicross èn sin la Corviglia, sur San Murezzan. Freestyle-WM 2025
-
Bild 3 von 7Legenda: Moguls Sin ina pista da bots sa mesiran las skiunzas ed ils skiunzs. Freestyle-WM 2025
-
Bild 4 von 7Legenda: Aerials Aut en l'aria vai tar la disciplina aerials. Atletas ed atlets mussan trics cun saltos e struvas e vegnan valitads. Freestyle-WM 2025
-
Bild 5 von 7Legenda: snowboard alpin Pli svelt che l'adversaria u l'adversari emprovan ils snowboardists alpins da far il percurs. Freestyle-WM 2025
-
Bild 6 von 7Legenda: big air Trics sin la schanza gronda fan las snowboardistas ed ils skiunzs da freestyle en il big air. Freestyle-WM 2025
-
Bild 7 von 7Legenda: mesapipa Sin ils skis e sin l'aissa fan las atletas ed ils atlets trics en la mesapipa, questa occurrenza è sin il Corvatsch. Freestyle-WM 2025
Construir e far tests
Avant ch'ils campiunadis mundials da freestyle pon avair lieu han ils organisaturs construì ils implants e testà quels. La Federaziun internaziunala da sport (FIS) pretenda che tut las disciplinas vegnan manadas atras avant ils campiunadis mundials. Perquai hai dà ils dus envierns passads differentas cursas e concurrenzas sin il stgalim da la cuppa mundiala, quai per testar ils process e l'infrastructura. Uss è tut pront per che l'Engiadin'Ota po daventar in Mecca da freestyle.
