Las sfidas da realisar quella mesapipa èn grondas – d'ina vart è la cuntrada en l'inventari federal da las cuntradas e dals monuments natirals d’impurtanza naziunala e per l'autra è la cuntrada sin 2'700 meters sur mar fitg crappusa. Perquai ston vegnir siglientads crappuns, emplenidas foras cun glera e surtut ston ils lavurers dar gas. Cura che l'emprima naiv vegn ston ins chalar da lavurar – almain enfin suenter Pasca.
Construir ina mesapipa e proteger la cuntrada – va quai?
40 meters largia, 250 meters lunga e 6,5 meters profunda – quai èn las dimensiuns da la nova mesapipa sin il Corvatsch. Il spezial da quella halfpipe è ch’ella vegn quasi emplantada en la natira.
Avant che las lavurs avevan cumenzà han ils responsabels chavà or las plantas ed ervas e conservà quellas en furma da quadrels da plantas. Quellas plantas ed ervas vegnan cultivadas e cura che las lavurs èn a fin – vegnan quels quadrels da plantas puspè implantads per lung la mesapipa.
-
Bild 1 von 5Legenda: Per far ina mesapipa ch'è 40 meters largia, 250 meters lunga e passa 6 meters profunda dovri inqual stgavament. RTR, Anna Caprez -
Bild 2 von 5Legenda: Il lieu nua che la mesapipa vegn consruida en il territori dal Corvatsch. RTR, Anna Caprez
-
Bild 3 von 5Legenda: Las plantas ed ervas ch'èn vegnidas chavadas or avant che cumenzar cun las lavurs vi da la mesapipa. Suenter vegnan ellas puspè implantadas per lung la halfpipe. RTR, Anna Caprez
-
Bild 4 von 5Legenda: Las plantas ed ervas èn vegnidas messas en salv en in local da l'ustaria dal territori da skis. RTR, Anna Caprez
-
Bild 5 von 5Legenda: La sfida è d'integrar uschè bain sco pussaivel ina gronda mesapipa en la cuntrada e quai cun uschè paucs donns vi dal conturn sco pussaivel. RTR, Anna Caprez