San Murezzan sa semtga actualmain per il campiunadi mundial da FIS Freestyle dal proxim onn. Quai ha il responsabel per la communicaziun communitgà a las medias. Gia l'emprim campiunadi mundial da freestyle sin terren europeic aveva gì lieu l'onn 1987 a San Murezzan.
Tenor ils organisaturs e las organisaturas è lur finamira da porscher ina maschaida da sport e divertiment sin l'areal da festival. En vista a l'occurrenza è l'infrastructura vegnida engrondida, tranter auter è ina nova mesapipa vegnida bajegiada en il parc da Corvatsch.
L'occurrenza duai carmalar enturn 70'000 aspectaturas ed aspectaturs ed uschia dar schlantsch al turissem. Quai han ils organisaturs e las organisaturas ditg durant ina conferenza da medias a Turitg. Sche quels giasts supplementars stessan tuts ina notg en in hotel, muntass quai ad in plus da 7% tar las pernottaziuns. Gia l'onn passà aveva l'hotellaria da l'Engiadin'Ota nudà enturn 916'000 pernottaziuns – quai ch'è stà il meglier resultat dapi 6 onns.
Or da l'archiv:
